ქრონიკული ტრავმით შოთა არველაძემ 35 წლამდე ითამაშა ფეხბურთი უმაღლეს დონეზე. ნიჭი,ჟინი და პროფესიონალიზმი ასეთი შერწყმით შოთამ საკმაოდ ბევრს მიაღწია.
დამოუკიდებელი ქართული ფეხბურთის ისტორიაში მან პირველი საევროტურნირო გოლი შეაგდო 1993 წელს შოთამ ჩრდილოირლანდიურ “ლინფილდს” ეფექტური გოლი გაუტანა.
საბჭოთა კავშირის ყოფილი რესპუბლიკებიდან მას სხვადასხვა ქვეყნების უმაღლეს ლიგებში ყველაზე მეტი გოლი გაუტანია. შოთა საქართველოს ნაკრების მთავარმეგოლეა,იყო თურქეთის და ჰოლანდიის ჩემპიონატის ბომბარდირი,უეფას თასზე კი 27 გოლი გაიტანა და ამ მაჩვენებლით მხოლოდ ჰენრიკ ლარსონს ჩამორჩება,უკან მოტოვებული ჰყავს ალესანდრო ალტობელი და კარლ-ჰაინც რუმენიგე.
არაორდინალური გადაწყვეტილების მიღების უნარი,საგოლე ალღო,ტექნიკა და ლიდერის თვისებები რა თქმა უნდა,შოთა მხოლოდ ეს არ არის,ის დამოუკიდებელი ქართული ფეხბურთის საუკეთესო თავდამსხმელია, ჟურნალისტთა გამოკითხვით სამჯერ იყო საქართველოს საუკეთესო ფეხბურთელი, საქართველოს პროფესიული ფეხბურთის ლიგის გამოკითხვით კი ის სპეციალისტებმა ორჯერ დაასახელეს საუკეთესოდ.
თურქეთში მას “გოლ კრალი”,გოლის მეფე დაარქვეს,ის ნამდვილი შეითანი იყო მეტოქე მცველ-მეკარეებისთვის. 1996 წელს ის ისე გახდა თურქეთის ჩემპიონატის ბომბარდირი,რომ პენალტი ერთხელაც არ დაურტყამს.
პირველივე აიაქსურ სეზონში შოთა ჰოლანდიის ჩემპიონი,ბომბარდირი,უეფას თასის ბომბარდირი და ჰოლანდიის თასის მფლობელი გახდა. მომდევნო სეზონში კი მძიმე ტრავმა მიიღო და ორი სეზონი ებრძოდა მას. ბოლო აიაქსური სეზონი 2001-02 წლებში უნდა ეთამაშა,მაგრამ “რეინჯერსმა” უკეთესი პირობები შესთავაზა და “აიბროქსს” მიაშურა.
მისტერ ბინი, SHOWTIME, SIMPLE SHOTA… არაორდინალური იუმორის და გახსნილი ხასიათის გამო ევროპაში მას რამდენიმე თიკუნი შეურჩიეს. სადაც არ წავიდა,ყველგან გოლები გაჰქონდა და წინა პლანზე იყო. ორჯერ გახდა შოტლანდიის ჩემპიონი და თასის მფლობელი, 2003 წელს კი სეზონში გუნდის საუკეთესო მეგოლე შეიქნა.
რეინჯერსელობისას მარჯვენა მუხლის ტრავმა ქრონიკული გაუხდა,თუმც ფხბურთელის კარიერაზე უარი არ თქვა,ისევ ჰოლანდიაში ჩავიდა და “ალკმაარში” ორი ბრწყინვალე სეზონი ითამაშა. კარიერის ბოლოს კი ევროპის ერთ-ერთ ყველაზე ელიტარულ ლიგას მიაშურა და ფეხურთელობას წერტილი პრიმერადივიზიონით დაუსვა.
რევაზ ძოძუაშვილი,გივი ნოდია,დავით ყიფიანი,ალექსანდე ჩივაძე,შენოლ გიუნეში,მორტენ ოლსენი, კო ადრიანსე, დიკ ადვოკაატი, ალექს მაკლიში, ლუის ვან გაალი შოთას მწვრთნელებს სახელი და რეგალიები არ აკლდათ და ისიც მათ გზას უნდა გაუყვეს ტყუპისცალი მწვრთნელობას აპირებს.
აჩი არველაძე :
22.02.1973 თამაში / გოლი
1990 მართვე თბილის - მეოერე ლიგა 7 1
1991 იბერია თბილისი - -
1991-92 იბერია თბილისი 19 3
1992-93 დინამო თბილისი 22 12
1993-94 დინამო თვბილისი 7 7
ტრაბზონსფორი თურქეთი 15 8
1994-95 დინამო თბილისი 9 13
ტრაბზონსფორი 13 7
1995-96 ტრაბზონსფორი 14 9
1996-97 ტრაბზონსფორი 7 1
1997-98 ბრედა,ჰოლანდია 28 14
1998-99 ბრედა 30 13
1999-00 ბრედა პირველი დივიზიონი 28 23
2000-01 კიოლნი 26 7
2001-02 კიოლნი 3 -
2002-03 კიოლნი - -
ეროვნული ნაკრები: 38 თამაში, 6 გოლი
თურქეთის თასის და სუპერთასის მფლობელი (1995)
ტრაბზონსფორის ყველა დროის საუკეთესო ლეგიონერი შოთასთან ერთად
ჰოლანდიის ბრედაში საუკეთესო დებიუტანტად აღიარეს(1998)
ბრედას საუკეთესო ფეხბურთელი(1997/98, 1999/00
როცა ტყუპები ასპარეზზე გამოჩნდნენ,სპეციალისტები თუ გულშემატკივრები ბევრს კამათობდნენ,აჩი უფრო მაგარია,თუ შოთი. ახლა კი საკამათო ისღაა. აჩი უფრო ნიჭიერი იყო,თუ შოთი.
არჩილ არველაძეს ექვსი ოპერაცია აქვს გაკეთებული,ერთ ინტერვიუში იხუმრა კიდეც,თუ ძალიან გამიჭირდა, მუხლის იოგები პლატინის ქანჩით რომ მაქვს დამაგრებული,გავყიდიო.
ის 17 წლის იყო,პირველი სერიოზული ტრავმა რომ მიიღო. მაშინ ჯერ კიდევ საბჭოთა კავსირში იყო საქართველო და იმ ქვეყანაში ჯვარედინი იოგების ოპერტაცია არ კეთდებოდა. არველაძეების ოჯახს მაშინ არ ქონდა საშუალება,საზღარგარეთ წაეყვანა აჩი საოპერაციოდ,მაგრამ გამოჩნდნენ ქველი ხალხი და ჭაბუკ ფეხბურთელს თხუთმეტი ათას მარკად მიუნხენში გაუკეთეს ოპერაცია.
აჩი ტყუპისცალივით თავდამსხმელი იყო,თუმც ფლანგზეც შეეძლო თამაში და ფორვარდების უკანაც. დრიბლინგი,გამჭრიახობა,მოულოდნელი დარტყმები და შეუპოვრობა მას შეეძლო, თვალისმომჭრელი ყოფილიყო.
თურქეთში ტყუპებზე სიმღერებს მღეროდნენ.
რეზი არველაძე :
15.09.1969 თამაში / გოლი
1998 მეტალურგი რუსთავი სსრკ,მეორე ლიგა 6 0
1998 ომც,თბილისი სსრკ,მეორე ლიგა 12 1
1989 დინამო თბილისი სსრკ (დუბლ შემადგენლობა) 15 7
1990 მართვე,თბილისი ეროვნული ჩემპიონატი,მეორე ლიგა 25 18
1991 იბერია,თბილისი 3 1
1991-92 იბერია 27 6
1992-93 დინამო თბილისი 26 10
1993-94 დინამო 13 8
კიოლნი 7 1
1994-95 დინამო თბილისი 7 0
ტენის ბორუსია ბერლინი მეორე ბუნდესლიგა 4 0
1995-96 ჰომბურგი, მეორე ბუნდესლიგა 24 11
1996-97 მეხელენი,ბელგია 25 4
1997-98 ჰომბურგი,მეორე ბუნდესლიგა 21 8
1998-99 მეხელენი,ბელგია - -
1999-00 ობერჰაუზენი, მეოერე ბუნდესლიგა 2 0
დინამო თბილისი 8 4
ეროვნული ნაკრები: 11 თამაში, 1 გოლი
ტექნიკა,მოედნის ხედვა და სწრაფი აზროვნება რევაზ არველაძე 90-იანი წლებში უდავოდ ერთ-ერთი გამორჩეული ფეხბურთელი იყო საქართველოში. ის ძმათაგან ერეთადერთია,საბჭოთა კავშირის ჩემპიონატში რომ მოასწრო თამაში.
რეზი მრავალმხრივი შემტევი იყო,ფლანგზეც შეეძლო თამაში და ცენტრშიც. 1994 წლის იანვარში თბილისის დინამომ გერმანიაში მინიფეხბურთის ტურნირში ითამაშა და რეზიმ ისე გამოიჩინა თავი,გერმანული კლუბების ინტერესი გამოიწვია. იმ პერიოდში “დინამო” ამხანაგურად გაეჯიბრა “კიოლნს”,შეხვედრა 1:1 დასრულდა, კიოლნელთა დამრიგებელმა მორტენ ოლსენმა კი უფროს არველაძეს დაადგა თვალი და რეზიც ბუნდესლიგის ერთ-ერთ ყველაზე სახელოვან კლუბში აღმოჩნდა,სადაც მანამდე ისით ვარსკვლავებს ეთამაშათ , ტონი შუმახერი,ბერნდ შუსტერი და პიერ ლიტბარსკი რომ იყვნენ.
რეზი არველაძე პერველი ქარეთველია,ბუნდესლიგაში გოლი რომ გაიტანა,მან ეს შტუტგარტთან” მოახერხა. 1993-94 სეზონის დასრულების შემდეგ მას უნდა აერჩია ან “კიოლნი”,ან “დინამო”,რომლის ხელმძღვანელობას ჯენტლმენური სიტყვა მისცა,საევროტურნიროდ “დინამოს” დავუბრუნდებიო. მაშინ ”დინამოში” “ოცნების გუნდის” შექმნას აპირებდნენ,მაგრამ აქედან არაფერი გამოვიდა,ხოლო რეზის კარიერა შეფერხდა.
ბელგიაში და მეორე ბუნდესლიგაში თამაშის შემდეგ უფროსი არველაძე ამერიკაში,მეიჯორ-ლიგაში უნდა წასულიყო სათამაშოდ,მაგრამ ისევ “დინამო” და ისევ საქართველო.
“დინამო” მაშინ უსახსროდ იყო,რეზი კი ჯერ ფეხბურთის თამაშით შეეშველა გუნდს,2000-2001 სეზონის პირველ წრეში კი გუნდის მთავარი მწვრთნელი გახდა. ძმები არველაძეები გუნდს ფინანსურ-მატერიუალურადაც ეხმარებოდნენ.2001 წელს რეზი რამდენიმე თვით “დინამოს” პრეზიდენტი იყო,იმავე წლის შემოდგომაზე კი “დინამოს” ჩამოაშორეს კლუბის ახალი მესვეურების განმარტებით,მათ ახალი ფურცლიდან სურდათ საქმის დაწყება.
რეზი გერმანიაში წავიდა და გერმანიის საფეხბურთო კავშირისგან B კატეგორიის სამწვრთნელო ლიცენზია აიღო. 2002 წელს თბილისის “ლოკომოტივის” მთავარი მვრთნელი გახდა,მერე კი საქართველოს ახალგაზრდულ ნაკრებს თავკაცობდა. 2005 წლიდან მწვრთნელობას შეეშვა და დღემდე საქართველოს ფეხბურთის ფედერაციის ვიცე-პრეზიდენტია.
რეგისტრაცია
